Ang Dalumat ay isang open access, refereed, at pambansang journal na naglalayong isulong ang mga multi/interdisiplinaryo at multi/interkultural na diskurso sa Araling Filipino at Pilipinas. Inilalathala ito ng Networked Learning PH, Inc. katuwang ang Departamento ng Filipino ng Pamantasang De La Salle dalawang beses sa isang taon. Bukas ang journal sa mga artikulong nakasulat sa wikang Filipino at tumatalakay sa anumang paksa na may kabuluhan sa wika, kultura, at lipunang Pilipino. Tumatanggap din ang journal ng piling saliksik na nakasulat sa mga katutubong wika at iba pang lengguwahe na umiiral sa Pilipinas. Hindi naniningil ang patnugutan ng anumang halaga sa mga awtor na nais magpasa at maglathala sa journal.