Date of Publication

3-31-2022

Document Type

Master's Thesis

Degree Name

Master sa Sining sa Araling Filipino - Wika, Kultura, Midya

Subject Categories

Other Languages, Societies, and Cultures

College

College of Liberal Arts

Department/Unit

Filipino, Departamento ng

Thesis Advisor

Rhoderick V. Nuncio

Defense Panel Chair

Rowell D. Madula

Defense Panel Member

Raquel E. Sison-Buban
Dexter B. Cayanes

Abstract/Summary

Ang pag-usbong ng Boys’ Love na genre na nagmula sa bansang Japan ay patuloy na yumayabong sa iba’t ibang platform. Nagsimula ito sa mga babasahin tulad ng manga hanggang sa patuloy na nakapasok sa digital at mainstream media. Hanggang sa nakaimpluwensya na ito sa iba’t ibang bansa tulad ng North Amerika at maraming mga bansa sa Europa (hal: German, Italy, atbp) (Welker 2011, 211-228). Hanggang sa nakapasok na nga rin ito sa bansang Pilipinas noong taong 2020 na tinaguriang “Year of Pinoy’s Boys Love”. Mabilis na pagpapalabas ng mga Pinoy BL sa Pilipinas sa maikling panahon dahil kung susuriin Mayo ito nagsimula at hanggang Hulyo ay napakapagpalabas na agad tayo ng limang Pinoy BL sa ating bansa. Naging mabilis ang pagtanggap sa kulturang popular sa bansa sa makabagong genreng ito sa larangan ng panoorin sa online na platform sa bansa. At patuloy na dumarami pa ang mga Pinoy BL na ipinapalabas sa taong 2020 at ipapalabas sa susunod na taon, taong 2021.

Bunga nito ay pumukaw sa mananaliksik na pag-aralan ang Boys’ Love bilang Genre, Diskurso at Eskplorasyon ng kasarian ng mga nasa ispektrum ng homosekswal bilang mga pangunahing tauhan sa Pinoy Boys’ Love. Pumili ng dalawang Pinoy Boys’ Love na series bilang lunsarang gagamitin sa pag-aaral na ito upang masuri kung ano-ano ang mga elemento ng BL bilang isang genre at paano ito ginagamit sa palabas. Gamit ang narrative analysis ay mas makikilala ang serye ng Pinoy BL at malalaman ang mga elemento nito bilang isang genre. Sa pag-alam ng elemento ay susuriin kung ano-ano ang karaniwang paksain ng palabas, ano-ano ang mga karaniwang karakter na ipinapakita sa BL at ano ang nagiging eksplorasyon ng mga karakter sa palabas, at higit sa lahat nais din tukuyin ang mga diskurso ng mga palabas na ito. Sa panonood din ng dalawang BL o Boys’ Love ay maipapakilala rin ang iskpektrum ng mga homosekswal batay sa representasyon sa kanila sa nasabing serye. Ang naging batayan sa pagpili ng dalawang Boys’ Love series ay batay sa sumusunod na dahilan: a.) Batay sa mga elemento nito at diskurso bilang isang Pinoy Boys’ Love, b.) Isa sa mga naunang BL na naipalabas sa Pilipinas, c.) Batay sa dami ng nakapanood o views nito sa pangunahing platform sa mga palabas na BL sa Pilipinas na YouTube sa taong 2020. Batay sa mga pamantayang ito ay humantong ang mananaliksik sa pagpili sa Game Boys The series at Hello Stranger the series bilang mga instrumentong gagamitin upang maipakita ang mga element ng Pinoy Boys’ Love, ang mga elemento nito bilang isang anyo/genre at kung paano ipinakilala ang mga homosekswal sa nasabing palabas.

Bilang resulta ng pag-aaral sa dalawang serye ay kapansin-pansin na ang Boys’ Love bilang isang anyo ng palabas ay may sariling mga elemento kaiba sa mga “queer/gay themed films” na ating napapanood. Ito rin ay isang malaking panimula bilang isang nakapagpapabagong medya na tumatalakay sa romantikong pag-iibigan ng mga nasa ispektrum ng mga homosekwal dahil sa nakaparaming diskurso nito na nag-nonormalize sa pag-iibigan na walang ginagamit na batayan na kasarian o “pure love without gender” (Zsila at Demetrovics, p6.). Nakita rin sa pag-aaral na ito na may sariling 6 Katangian, Pormat, Tema at Diskurso ang Pinoy Boys’ Love bilang isang makabagong anyo ng palabas na tumatalakay sa ispektrum ng mga homosekswal. Samakatuwid ang pag-aaral na ito ay nagnanais na makapagbigay ng rekomendasyon sa patuloy na pagaaral sa bagong umuusbong na anyo ng “queer themed film” na Pinoy BL upang mas maging malalim pa ang pagkilala natin sa Pinoy BL bilang bagong araling sa Pilipinas sa larangan ng midya. Iminumungkahing ring bigyang pansin rin ang pag-aaral sa mga artistang gumaganap sa mga karakter sa Pinoy Boys’ Love. Suriin kung ang mga ito ba ay bahagi ng komunidad ng LGBTQIA+ o pawang mga straight na lalaki. Upang mas mapalalim pa ang transpormasyon hindi lamang sa narasyon ng Pinoy Boys’ Love bilang isang palabas bagkus ay sa pagbubukas rin ng pagtanggap sa mga homosekswal sa mundo ng pag-aartista. Kaya ang panimulang pag-aaral na ito sa genreng Pinoy Boys’ Love ay inaasahang mas makakahikayat pa ng maraming mananaliksik upang mas maunawaan pa ang kultura at pananaw ng mga mamamayan sa kasalukuyan habang humaharap sa patuloy na pagbabagong hinihingi ng patuloy na nagbabago at umuunlad na kalakaran sa mundo ng serye at pelikula sa bansa

Mga Susing Salita: shōnen-ai, Yaoi, Pinoy Boys’ Love, homosekswal, Transformative Media

Abstract Format

html

Language

Filipino

Format

Electronic

Physical Description

190 leaves

Keywords

Gay men; Internet videos; Pinoy Boy's Love

Upload Full Text

wf_yes

Embargo Period

3-21-2022

Download

Share

COinS