Ang pagdalumat at paglalapat ng makabayang edukasyon sa kurikulum ng junior high school baitang 7–10
Date of Publication
11-2025
Document Type
Master's Thesis
Degree Name
Master sa Sining sa Araling Filipino - Wika, Kultura, Midya
Subject Categories
Curriculum and Instruction | Secondary Education
College
College of Liberal Arts
Department/Unit
Filipino, Departamento ng
Thesis Advisor
David Michael M. San Juan
Defense Panel Chair
Rowell D. Madula
Defense Panel Member
Maria Lucille G. Roxas
Jonathan V. Geronimo
Abstract (Filipino)
Isang paulit-ulit na siklo ang pagsusuri at pagbabago sa sistemang pang-edukasyon, lalo na sa larangan ng kurikulum, sapagkat dito nakaugat ang direksiyon ng paghubog sa kabataang mamamayan. Sa gitna ng pagpapatupad ng Enhanced K–10 Curriculum ng programang MATATAG ng Kagawaran ng Edukasyon, nananatiling mahalagang usapin ang pagsasaalang-alang sa ideolohiya at oryentasyon ng edukasyon sa bansa. Ang pananaliksik na ito ay naglalayong pagdalumatin at ilapat ang makabayang edukasyon bilang alternatibong balangkas na maaaring maging batayan ng mas malalim, mapagpalaya, at makataong pagtuturo sa antas ng Junior High School (Baitang 7–10). Isinagawa ang pag-aaral sa pamamagitan ng kwalitatibong dokumentaryo-interpretatibong pamamaraan, gamit ang thematic at hermeneutic analysis, document analysis (Bowen, 2009), content analysis (Krippendorff, 2018), at thematic synthesis (Thomas & Harden, 2008) mula sa iba’t ibang publikasyon, shaping paper ng DepEd, curriculum guide ng bawat asignatura. Ang pag-aaral ay dumaan sa apat na yugto: (1) pagdalumat ng pagkamakabayan gamit ang akademiko, historikal, at pampanitikang lente; (2) paglalarawan ng makabayang edukasyon sa pamamagitan ng pagsusuri sa sampung papel na nagbigay-diin sa pitong tipo nito; (3) pagtataya sa pagkamakabayan ng Enhanced K–10 Curriculum batay sa mga opisyal na dokumento ng Kagawaran ng Edukasyon; at (4) paglalapat ng makabayang edukasyon sa Junior High School sa pamamagitan ng tematikong sintesis ng mga natuklasan mula sa naunang mga kabanata. Ang resulta ng pananaliksik ay nagbunga ng isang komprehensibong modelo ng makabayang edukasyon para sa Junior High School. Mula rito, nailarawan ang mga prinsipyong dapat mangibabaw sa makabayang edukasyon, mga pamantayan sa pagpili ng nilalaman, limampung estratehiya sa pagtuturo na nagpapalalim ng kamalayang panlipunan, at mga prinsipyo ng makabayang pamamahalang pangklase na nakabatay sa demokratikong ugnayan, kolektibong pananagutan, at paglilingkod sa sambayanan. Sa kabuoan, ipinakikita ng pag-aaral na ang makabayang edukasyon ay hindi lamang ideolohikal na panukala kundi isang pedagohikal na praxis at isang kongkretong pagsasalin ng mga prinsipyong pambansa sa kurikulum at pagtuturo na naglalayong makapag-ambag sa pagbuo ng isang mapanuri, makatao, at makabayang mamamayan. Ang pag-aaral na ito ay mahalaga sa larangan ng Araling Kurikulum sapagkat nagbibigay ito ng teoretikal at praktikal na batayan para sa pagsusulong ng edukasyong nakaugat sa pambansang karanasan at kamalayan. Sa huli, inaasahang makatutulong ito sa muling pagbubuo ng pananaw sa edukasyon bilang kasangkapan hindi lamang ng pagkatuto kundi ng pagpapalaya, isang edukasyong makabayan, makatao, at tunay na naglilingkod sa sambayanan.
Abstract Format
html
Abstract (English)
A cyclical process defines the constant examination and revision of the educational system, particularly in the field of curriculum, where the direction of shaping the country’s youth is rooted. Amid the implementation of the Enhanced K–10 Curriculum under the MATATAG program of the Department of Education, the consideration of the nation’s educational ideology and orientation remains a significant concern. This study aims to theorize and apply nationalist education as an alternative framework that may serve as a foundation for deeper, liberatory, and compassionate teaching in Junior High School. The study employed a qualitative documentary-interpretive approach, using thematic and hermeneutic analysis, document analysis, content analysis, and thematic synthesis drawn from various publications and curriculum-related documents. It proceeded through four stages: conceptualizing nationalism through academic, historical, and literary lenses; describing nationalist education through an analysis of papers that emphasized its various types; assessing the Enhanced K–10 Curriculum based on official documents; and applying nationalist education to Junior High School through a thematic synthesis of the findings. The study yielded a comprehensive model of nationalist education for Junior High School. From this, it articulated the principles that should guide nationalist education, standards for content selection, key teaching strategies that deepen social consciousness, and principles of nationalist classroom management grounded in democratic relations, collective responsibility, and service to the people. Overall, the study demonstrates that nationalist education is not merely an ideological proposition but a pedagogical praxis and a concrete translation of national principles into curriculum and instruction directed toward forming critical, compassionate, and nationalist citizens.
Abstract Format
html
Language
Filipino
Format
Electronic
Keywords
Nationalism and education; Curriculum planning; Junior high school students
Recommended Citation
Agoncillo, R. B. (2025). Ang pagdalumat at paglalapat ng makabayang edukasyon sa kurikulum ng junior high school baitang 7–10. Retrieved from https://animorepository.dlsu.edu.ph/etdm_fil/30
Upload Full Text
wf_yes
Embargo Period
12-16-2026
