Ang bagong brilyante ng pelikulang Pilipino : isang pagsipat sa kapangyarihan ng auteur at aliw sa mga obra ni Brillante Mendoza
Date of Publication
2017
Document Type
Bachelor's Thesis
Degree Name
Bachelor of Arts in Philippine Studies Major in Filipino in Mass Media
College
College of Liberal Arts
Department/Unit
Filipino
Honor/Award
Outstanding undergraduate thesis in Filipino, 2017
Thesis Adviser
Ernesto V. Carandang II
Defense Panel Member
Dolores R. Taylan
Rowell D. Madula
Ramilito B. Correa
Julio C.Teehankee
Abstract/Summary
Ang pag-aaral na ito ay isang pagsipat sa kapangyarihan ni Brillante Mendoza bilang manlilikhang Auteur at pagtukoy sa uri ng aliw na naidudulot ng kanyang mga obra. Binigyang-tuon ng pag-aaral ang pagsusri sa apat na pelikula ng direktor na Masahista (2005), Serbis (2008), Thy Womb (2012), at Ma'Rosa (2016). Isinakatuparan ang pag-aaral ng mga pelikula sa pamamagitan ng pagtutok sa tatlong elemento ng mga nabanggit na obra: ang direksyon, karakter, at istorya. Bukod dito, kinapanayam din ng mananaliksik si Mendoza maging ang kanyang mga katrabaho katulad ng kanyang publicist at scriptwriter. Nagsagawa rin ng apat na Focus Group Discussion (FGD) sa mga nakapanood ng pelikula ng direktor na nagmual sa iba't ibang sektor, kasarian, at edad. Ginamit bilang pangunahing gabay ng pag-aaral ang Teoryang Auteur ni Peter Wollen at mga konsepto ng Aliw mula sa teksto ni Soledad Reyes na Aliw: Essays on Popular Culture.
Lumabas sa pag-aaral na bilang isang manlilikhang Auteur, may kakayahan si Mendoza na maiparanas sa kanyang mga tagapanood ang realidad ng lipunan sa pamamagitan ng masining at makatotohanang paraan niya ng pagsasama-sama ng mga elemento ng pelikula. Samantala, bagaman, nilinaw ni Mendoza na hindi nya layunin ang makapagpasaya at nakatuon ang kanyang atensyon sa pagtalakay ng mga isyung panlipunan, lumutang pa rin ang iba't ibang uri ng Aliw na naidudulot ng kanyang mga pelikula sa mga tagapanood. Kabilang sa mga ito ang aliw na may kaugnayan sa konsepto ng Fanaticism, Limang Pisong Pag-ibig ni Soledad Reyes, Diskurso ng Pornograpiya ni Benilda Santos, Pleasure by Postponement ni Cirilo Bautista, at Aliw sa Buhay Pilipino ni Jose Mario C. Francisco, S.J.
Sa kabuuan, mula sa pinagsamang pagsusuri sa kapangyarihan ni Mendoza bilang Auteur at sa uri ng aliw na naidudulot ng kanyang mga obra, lumalabas na mayroon siyang kakayahan at ang kanyang mga likha na mabago ang pananaw at/o mapakilos ang kanyang mga tagapanood.
Abstract Format
html
Format
Accession Number
TU19425
Shelf Location
Archives, The Learning Commons, 12F Henry Sy Sr. Hall
Physical Description
[10], 383 leaves : illustrations (some color) ; 28 cm.
Keywords
Motion pictures -- Philippines; Cinematography -- Philippines
Recommended Citation
Concha, C. (2017). Ang bagong brilyante ng pelikulang Pilipino : isang pagsipat sa kapangyarihan ng auteur at aliw sa mga obra ni Brillante Mendoza. Retrieved from https://animorepository.dlsu.edu.ph/etd_honors/387
