Apat na dekada ng pangangatha ni Hilaria Labog [electronic resource]

Date of Publication

2003

Document Type

Dissertation

Degree Name

Doctor of Arts in Language and Literature Major in Filipino

College

College of Liberal Arts

Department/Unit

Filipino

Abstract/Summary

Batay sa resulta ng pag-aaral na ito, napatunayan ng risertser na ang retrival ay isang malaking tulong para sa muling 'pagbuhay' ng isang mahalagang manunulat gayundin ng kanyang mga akda. Napatunayan din na may mga pagkakataong maaaring magamit ng isang risertser ang sistemang retrival nang walang anumang teoryang gumagabay sa kanya. Ang mahalaga ay malinaw ang kanyang layunin at may tiyak siyang prosesong ginagamit sa pagreretriv. Sapat na ito upang maging matagumpay ang retrival na isinasagawa. Gayundin naman, ang teorya ay maaaring mabuo habang nasa aktwal na proseso siya pagreretriv o kaya'y pagkatapos na mismo ng retrival na ibabatay sa pinagdaanang karanasan tulad ng dinanas ng risertser sa pag-aaral na ito. Sa pagtugon ng pag-aaral na ito sa hamon ng kritikong si Reyes na maipakilalang muli si Labog at ang kanyang mga akda ay napunan ang kakulangan, kundi man ang kawalan ng mga mababasang kuwentong Tagalog na isinulat ng mga babaeng manunulat. Ang pagsaantolohiya ng kanyang mga kuwento ay magbibigay-daan sa pagpapahalaga sa talino at kahusayan ng mga babaeng manunulat sa Tagalog. Pupukawin nito ang interes ng mga risertser na pag-ukulan ng pansin at pag-aaral ang iba pang akda ng mga babaeng manunulat at maipagpatuloy ang pagsaantolohiya sa kanila upang higit pang mapayaman ang kaban ng literaturang Tagalog. Ang naretriv at naisaantolohiyang isandaan at limang (105) mga kuwento ni Labog na nalathala sa mga magasing Liwayway, Liwayway Extra, Aliwan, Ilang-Ilang at Bulaklak mula kalagitnaan ng dekada ’20 hanggang dekada ’50 ay nagtaglay ng pangkalahatang tema ng pag-ibig na siyang palasak na tema ng kanyang panahon. Magkagayon man, naging lutang pa rin sa kanyang mga kuwento ang iba’t ibang tema ukol sa buhay ng tao tulad ng pagpapakasakit, kadakilaan ng pag-ibig, mabuting xii pakikisama sa kapwa, panibugho, paghahangad ng pagbabagong buhay, pag-ibig ng anak sa magulang at ng magulang sa anak, pagmamahal sa kapatid, pagmamahal sa kaibigan, pagtatagumpay sa kahirapan, pag-asa, pagmamahal

Abstract Format

html

Format

Electronic

Accession Number

CDTG003530

Shelf Location

Archives, The Learning Commons, 12F Henry Sy Sr. Hall

This document is currently not available here.

Share

COinS