Ang pagbuo, pagtantiya ng katapatan at katatagan, at pagkuha ng pamantayan ng panukat ng kakayahang makaagapy sa istres ng mga tagapangasiwa sa industriya
Date of Publication
1993
Document Type
Bachelor's Thesis
Degree Name
Bachelor of Arts Major in Psychology
Subject Categories
Psychology
College
College of Liberal Arts
Department/Unit
Psychology
Abstract/Summary
Ang Panukat ng Kakayahang Makaagapay sa Istres ng mga Tagapangasiwa (PaKAMIT) ay isang panukat ng katauhan na naglalayong tantiyahin ang antas ng pag-agapay ng mga tagapangasiwa sa industriya. Labinlimang mga tagapangasiwa ang naging kalahok sa pagtatanong-tanong samantalang isang daan naman ang pinasagutan ng talatanungan. Mula sa kanila ay nalaman ang mga sitwasyon sa organisasyon na nagdudulot ng istres pati na ang mga pamamaraan ng pag-agapay rito. Batay sa mga ito ay nabuo ang isandaan at limampu't isang mga aytem na nasa anyong larawan para sa unang porma ng panukat. Ang nasabing mga aytem ay dalawang beses na sumailalim sa pagbabalik-aral. Mula rito ay naging isangdaan at labinlima ang bilang ng mga aytem na siyang ginamit sa pangunahing pagsubok na kinabilangan ng isangdaan at sampung mga kalahok. Lahat sila ay kinuha sa pamamagitan ng maalwang pagsampol ng walang probabilidad sa listahan ng 1,000 nangungunang korporasyon. Sumailalim sa tatlong yugto ng analisis ng mga aytem ang panukat. Ang katapatang pampaliwanag ay naitatag sa pamamagitan ng pagsusuri ng mga saligan. Ang huling porma ng panukat na kinabibilangan ng tatlumpu't limang mga aytem ay binubuo ng siyam na saligan. Ito ay ang mga sumusunod: (1) Istres na nagmumula sa mga Di Inaasahang Pangyayari, (2) Istres na nagmumula sa Ekspektasyon ng mga katrabaho, (3) Istres na nagmumula sa Kawalan ng Pagdamdam ng mga Katrabaho, (4) Istres na nagmumula sa Di Pagtanggap ng mga Katrabaho, (5) Istres na nagmumula sa Kahihiyan, (6) Istres na nagmumula sa Negatibong Ebalwasyon sa Sarili,
(7) Istres na nagmumula sa Di Pagkilala sa Kaakibat na Kapangyarihan ng Posisyong Pinanghahawakan, (8) Istres na nagmumula sa Relasyong Pangnegosyo, at (9) Istres na nagmumula sa mga Kawani. Ang buong panukat ay nagtala ng 0.88141 na halaga ng katatagan. Ang pamantayan ay nakuha sa pamamagitan ng pagtatatag ng ranggong pamahagdan.
Abstract Format
html
Language
Filipino
Format
Accession Number
TU06152
Shelf Location
Archives, The Learning Commons, 12F, Henry Sy Sr. Hall
Physical Description
138 numb. leaves ; Computer print-out.
Keywords
Stress (Psychology); Managers; Psychometrics; Coping behavior
Recommended Citation
Castillo, A., Restubog, S. D., & Yap, K. E. (1993). Ang pagbuo, pagtantiya ng katapatan at katatagan, at pagkuha ng pamantayan ng panukat ng kakayahang makaagapy sa istres ng mga tagapangasiwa sa industriya. Retrieved from https://animorepository.dlsu.edu.ph/etd_bachelors/9074
