PANITI-WAKAL: Pagsusuri sa Konsepto ng Pagpapatiwakal ng mga Tauhan sa mga Piling Maikling Kuwentong Filipino sa Ika-21 Siglo

Proponent/s Name/s (Last Name, First Name, Middle Initial)

• Francis Carlo R. Cabrera II, De La Salle University, ManilaFollow
• Leor Federic F. Cayabyab, De La Salle University, ManilaFollow
• Jelcy C. Papa, De La Salle University, ManilaFollow

Document Types

Paper Presentation

Research Theme (for Paper Presentation and Poster Presentation submissions only)

Media and Philippine Studies (MPS)

School Name

De La Salle University Senior High School

Track or Strand

Humanities and Social Science (HUMSS)

Research Advisor (Last Name, First Name, Middle Initial)

Atazar, Gerald, D.

Start Date

23-6-2026 3:30 PM

End Date

23-6-2026 5:00 PM

Zoom Link/ Room Assignment

DLSU Manila Campus (In-person) - Don Enrique T. Yuchengco Hall - Y405

Abstract/Executive Summary

Isa ang pagpapatiwakal sa mga masalimuot at higit sa lahat, sensitibong isyu sa lipunang Pilipino (Quintos, 2018). Ang panitikang Filipino bilang salamin ng mga tunggalian sa lipunan ay mabisang instrumento sa pagsusuri ng mga isyung panlipunan at pangkaisipan (Tolentino, 2009; Tarrayo, 2018). Kung kaya, sinusuri ng pag-aaral na ito ang representasyon ng pagpapatiwakal sa tatlong piling maikling kuwentong Filipino (MKF) na inilimbag sa ika-21 siglo. Nilayon ng pananaliksik na sagutin ang sumusunod: 1) paano inilalarawan ang mga panloob na salik ng mga karakter na humahantong sa pagpapatiwakal; 2) paano nakakaapekto ang mga konteksto sa ligid ng akda sa paghubog ng desisyong ito; at 3) paano sinasalamin ng mga karakter ang kanilang dinadalang pasanin bilang paglalarawan sa konsepto ng pagpapatiwakal sa kontemporaneong panitikan. Ginamit sa pag-aaral ang kuwalitatibong pagsusuring pangnilalaman at hulwarang Loob, Ligid, at Lalim ni Zafra (2021). Nakasandig din ang pagsusuri sa Modelo ng Pagdadala ni Decenteceo (1999) upang mailarawan ang sikolohikal na prosesong pinagdaanan ng mga tauhan. Natuklasan na ang pagpapatiwakal sa mga akda ay bunga ng naipong pasaning emosyonal, stigma, at mapaniil na presyur ng lipunan na humuhubog sa identidad ng indibidwal. Ibinunyag din ng pagsusuri na nagsisilbing komentaryong panlipunan ang mga akda hinggil sa mga isyung nakaangkla sa mental health. Sa kabuuan, muling binibigyang-kahulugan ng mga karakter ang kabatiran ng lipunang Pilipino sa pagpapatiwakal sa pamamagitan ng paglikha ng espasyong malaya sa panghuhusga, habang inilalantad ang masalimuot na realidad ng mga indibidwal na may kinakaharap na suliraning pangkaisipan.

Keywords

pagpapatiwakal; ika-21 siglo; karakter; maikling kuwento; pagdadala model; loob-ligid-lalim

Initial Consent for Publication

yes

Statement of Originality

yes