Usahay na'ay Boholanang nagaguma: Ang virtwal na pag-ibig mula sa internet

Date of Publication

2009

Document Type

Bachelor's Thesis

Degree Name

Bachelor of Arts in Philippine Studies Major in Filipino in Mass Media

College

College of Liberal Arts

Department/Unit

Filipino

Honor/Award

Awarded as best thesis, 2009

Thesis Adviser

Evangeline Encabo- Alvarez

Defense Panel Member

Feorillo Petronillo A. Demeterio, III
Rhoderick V. Nuncio

Abstract/Summary

Pangkalahatang layunin ng tesis na ito na malaman kung ano ang daynamiks ng virtwal na pag-ibig sa Internet. Ginamit na kalahok sa pag-aaral na ito ang mga Boholana, partikular na sa bayan ng Tubigon. Upang makamit ito, nakatulong ang pag-aaral sa dispersyon at pagsasakonsepto ng gugma (love) para sa mga Boholana na apektado ng virtwalidad. Sa kabuuan ng pag-aaral, nakatulong ang konsepto ni Nicole Constable na Cultural Logic of Desire. Ang teoryang ito ang nagsilbing gabay sa Case Study na ito na ginamitan ng Archival Research, Context Analysis, Focus Interview (pakikipagkuwentuhan at pagtatanong-tanong). Obserbasyon, Text Analysis, at Discourse Analysis.

Natuklasan na malaki ang impluwensya ng Internet sa pagbuo ng dispersyon ng gugma ng mga Boholana. Nabigyan nito ng pagkakataong umusbong ang gugma sa pamamagitan ng mga Social Network Website at Chat Service. Naging mas epektibo pa ito sa pamamagitan ng paggamit ng mga emoticon o mga makabagong paraphernalia ng kompyuter. Natuklasan na sa pamamagitan ng internet ay nabibigyan ng kapangyarihan ang babae. Nagkakaroon ito ng sapat na kalayaan upang piliin kung sino ang kanyag gugustuhin - nagagawa niya pa itong lapitan at paibigin. Natuklasan na parehas na mayroong pangangailangan ang mga katutubo at banyaga kaya nauuwi sila sa pagkakabuo ng kanilang pagsasama. Ang babae ay naghahanap ng lalaking mag-aalaga sa kanya at magiging responsable para sa kanilang buhay (modern husband). Habang ang lalaki naman ay naghahanap ng babaeng mag-aalaga sa kanya at hindi kailanman siya iiwan (traditional wife). Natuklasan rin na maaaring ang mga problemang kinakaharap ng mga mag-asawang katutubo-banyaga ay maaaring sumasalamin sa mga isyung panlipunan na kinakaharap sa relasyong Pilipinas at ibang bansa.

Pinagtitibay ng resulta ng pag-aaral na ang paglaganap ng katutubo-banyagang relasyon ay hindi lamang dahil sa materyal na pagsasaalang-alang na nagtulak sa mga Filipina upang makapag-asawa ng Puti, sa halip ito ay mayroong kalakip na gugma na maaaring mabuo o nabubuo sa kanyag loob sa tulong ng Internet, sa paglipas ng panahaon. Maaaring sa pamamagitan ng pag-aaral sa gugma, mabigyan ng bagong mukha ang katutubo-banyagang relasyon-na mula sa kwento ng gamitan ay naging kwento ng pag-iibigan.

Abstract Format

html

Language

Filipino

Format

Print

Accession Number

TU14896

Shelf Location

Archives, The Learning Commons, 12F Henry Sy Sr. Hall

Physical Description

xi, 164 leaves : col. ill. ; 28 cm.

Keywords

Love--Philippines--Computer network resources; Mate selection--Philippines--Computer network resources; Man-woman relationships--Philippines--Computer network resources

This document is currently not available here.

Share

COinS