Ang pakikibagay bilang pangyayari sa lipunang Filipino: Isang pag-aaral sa pagpapalawak ng konsepto at pagbuo ng bidyo

Date of Publication

1994

Document Type

Bachelor's Thesis

Degree Name

Bachelor of Arts Major in Psychology

College

College of Liberal Arts

Department/Unit

Psychology

Abstract/Summary

Layunin ng pag-aaral na ito ang bumuo ng isang bidyo ukol sa konseptong pakikibagay. Ang bidyong nabuo ay naglalaman ng mga paksang tulad ng pakakakilala, kahulugan, dahilan, salik, anyo, at elemento ng pakikibagay. Nakalap ang mga nasabing datos sa pamamagitan ng ginabayang talakayan at sarbey nang may pagsasaalang-alang sa eksploratoryong disenyo ng unang bahagi ng pag-aaral. Ang una metodo ay nilahukan ng pitong (7) Filipino mula sa iba't-ibang sektor ng lipunan na hinango sa pamamagitan ng sadyaang pagsasampol. Samantala, ang sarbey ay nilahukan ng animnaraan at animnapu't-siyam (669) na Filipino mula sa iba't-ibang panig ng Kalakhang Maynila. Ang takdang bilang ng mga kalahok sa sarbey ay naabot sa pamamagitan ng kotang pagsasampol.Mula sa mga nasabing metodo at sa tulong ng istadistikong naglalarawan, napag-alamang ang pakikibagay ay nababatid ng higit na nakararaming Filipino. Ang pakahulugan sa pakikibagay ay ang pag-aayon ng kilos ng isang indibiduwal sa kanyang kapwa . Ang konseptong may pinakamalapit na ugnayan sa pakikibagay ay ang pakikisama . Ang isang indibiduwal ay nakikibagay para pagtibayan ang pagsasamahan , para magkaroon ng pagkakaisa ,at para magbigay ng respeto sa paniniwala ng iba . Ito ay sumisidhi kapag ang indibiduwal ay nasa bagong kapaligiran at kapag siya ay nahaharap sa iba't-ibang klase ng tao . Ang mga anyo ng pakikibagay (positibo, negatibo, at neutral) ay base sa pagiging mabuti o masama ng elemento (intensyon at epekto) sa pakikibagay.Ang nabuong bidyo sa pakikibagay ay binuo nang may pagsasaalang-alang sa mga

prinsipyo ng paggawa ng materyal. Sinuri ito ng tatlong (3) mag-aaral, dalawang (2) guro sa sikolohiya, at isang (1) eksperto sa teknikal na aspeto ng bidyo. Nirebisa ang bidyo batay sa mga nahangong puna at suhestiyon sa pagsusuri.Ang rebisadong bersyon ng bidyo nang may pagsasaalang-alang sa disenyong eksperimental ay tiniyak sa larangan ng kognitibo at atitudinal na pagkatuto. Ito ay sinukat sa dalawang klase ng sikolohiyang panlipunan na binuo ng tig-pitong (7) kalahok na hinango sa pamamagitan ng sadyaang pagsasampol. Nagkaroon ng pauna at huling pagsusulit atitudinal ang kontrolado at eksperimental na grupo, kung saan ang huli ay pinanood ng bidyo sa pagitan ng dalawang pagsusubok. Matapos mapanood ang bidyo, pinasagutan ang kognitibong pagsusulit sa eksperimental na grupo. Sa pamamagitan ng Chi-Square Test of Homogeneity , napag-alaman na ang bidyo ay hindi epektibo sa pagdudulot ng pagbabago sa positibo, negatibo, at neutral na aktitud sa pakikibagay. Sa kabilang banda, ang porsyento ng mga mag-aaral na umabot sa itinakdang pamantayan ng pagpasa ng pitumpung porsyento (70 percent) ay mas malaki kaysa sa porsyento ng mga hindi pumasa. Dahil dito, masasabing epektibo ang bidyo ukol sa pakikibagay sa pagdudulot ng kognitibong pagkatuto sa mga manonood.

Abstract Format

html

Language

Filipino

Format

Print

Accession Number

TU06615

Shelf Location

Archives, The Learning Commons, 12F, Henry Sy Sr. Hall

Physical Description

162 numb. leaves ; Computer print-out.

Keywords

Conformity; Filipino personality; Audio-visual materials; Personality and cognition; Influence (Psychology); Concept learning; Video tapes in education

This document is currently not available here.

Share

COinS