Kalungkutan ng kabataan: Isang diskriptibong pag-aaral sa depresyon
Date of Publication
1997
Document Type
Bachelor's Thesis
Degree Name
Bachelor of Arts Major in Psychology
Subject Categories
Psychology
College
College of Liberal Arts
Department/Unit
Psychology
Abstract/Summary
Ang diskriptibong pag-aaral na ito ay nakatuon sa depresyon/kalungkutan ng mga kabataang Pilipino na may edad mula labintatlo (13) hanggang labing-anim (16). Pinag-aralan nito ang mga sanhi o etiolohiya ng kanilang depresyon at pinagtuunan din ng pansin ang mga palatandaang (naiisip, nararamdaman, ikinikilos) kanilang napapansin tuwing sila ay nakararanas ng depresyon. Ang pananaliksik na ito ay gumamit ng convenience sampling sa pagpili ng mga kalahok. Sa pangkalahatan, mayroong tatlumpu't dalawang (32) adolesent o kabataang kalahok. Napag-alaman ang mga tugon ng mga kalahok sa pamamagitan ng metodong open-ended na serbey. Ang pagsusuring ginamit ay ang content analysis at sa pamamagitan nito ay bumuo ng mga kategorya na siyang naglalarawan sa mga sanhi at palatandaan ng depresyon ng mga adolesent. Mula sa mga kasagutan ng mga kasapi, napag-alaman na ang sanhi nito ay suliranin ng indibidwal sa sarili at sa pakikitungo niya sa iba. Para sa sarili, ang mga naging kategorya ay kalusugan, pinansyal, pag-aaral, negatibong pananaw sa sarili, at libangan. Ang pamilya, kaibigan, at pag-ibig naman ang pinanggalingan ng depresyon ng adolesent sa kanyang pakikitungo sa iba. Nagpapamalas din siya ng mga palatandaang nagpapatunay o nagpapahiwatig na siya ay nalulungkot. Nahati ito sa naiisip, nararamdaman, at ikinikilos. Ang mga kategoryang nabuo sa ilalim ng naiisip ay ang pag-iisip ng paraan upang maalis ang depresyon at ang pag-iisip ng mga negatibong bagay. Sa nararamdaman naman, ang mga kategorya ay kawalan ng sigla, pagkainip, pagkainis, at kagustuhan o di-kagustuhan na kasama. Ang mga kategorya naman sa ilalim ng ikinikilos ay ang pagkabigla-bigla ng kilos, kawalan ng konsentrasyon, pananamlay, paglilibang, pagpapakita/paghahayag ng nararamdaman o ang hindi pagpapahalata nito, at karahasan.
Abstract Format
html
Language
Filipino
Format
Accession Number
TU07755
Shelf Location
Archives, The Learning Commons, 12F, Henry Sy Sr. Hall
Physical Description
72 leaves ; Computer print-out.
Keywords
Depression in adolescence; Sadness; Emotions
Recommended Citation
Espiritu, D., Uychico, R., & Villahermosa, A. (1997). Kalungkutan ng kabataan: Isang diskriptibong pag-aaral sa depresyon. Retrieved from https://animorepository.dlsu.edu.ph/etd_bachelors/6968
