Ang epekto ng pagkakaroon ng kaanak na may kapansanan at pamamaraan ng pagkaya ng pamilya
Date of Publication
1992
Document Type
Bachelor's Thesis
Degree Name
Bachelor of Arts Major in Psychology
Subject Categories
Psychology
College
College of Liberal Arts
Department/Unit
Psychology
Abstract/Summary
Ang pag-aaral na ito ay tungkol sa epekto ng pagkakaroon ng kaanak na may kapansanan at ang pamamaraan ng pagkaya ng pamilya. Ang mapaglarawang disenyo ay ginamitan ng malalimang pakikipanayam sa anim na pamilya tatlong pamilya ng may kapansanan buhat kapanganakan at tatlong pamilyang may kapansanang ang sanhi ay aksidente o malubhang sakit.Sa pamamagitan ng malalimang pakikipanayam ay napag-alamang ang mga pamilya ng may kapansanan mula sa kapanganakan ay madaliang natanggap ang kalagayan ng kanilang kaanak. Ang paniniwalang ang may kapansanan ay kaloob o biyaya ng Diyos at pinagmumulan ng suwerteng kanilang tinatamasa ay nakatulong ng malaki upang hindi maapektuhan ang kanilang pamilya. Ang mga ama, ina at kapatid ng may kapansanan ay lubhang naiintindihan ang kalagayan ng kanilang kaanak at patuloy na dumadalangin sa Poong Maykapal na patnubayan at pag-ingatan ang biyayang ipinagkaloob Niya sa kanila.Ukol naman sa pamilyang may kapansanang ang sanhi ay aksidente o malubhang sakit ay napagalamang bagamat tanggap na nila ang kalagayan ng kanilang kaanak ay nararamdaman pa rin ang epekto sa aspetong pang-ekonomiko. Patuloy pa ring nagpapasalamat at pinagkalooban pa ng Diyos ng pangalawang buhay at nananalanging matulungan sila ng ibang tao upang mapabuti ang kalagayan ng kanilang kaanak.Ang pagkakaroon ng kaanak na may kapansanan ay hindi naging dahilan upang mawasak ang pamilya. Naging tulay pa ito para tumibay ang kanilang pagsasamahan at maging malapit ang kanilang pamilya sa Diyos na Siyang nakakaalam ng lahat.
Abstract Format
html
Language
Filipino
Format
Accession Number
TU05562
Shelf Location
Archives, The Learning Commons, 12F, Henry Sy Sr. Hall
Physical Description
[151] leaves ; Computer printout
Keywords
People with disabilities—Psychology; People with disabilities—Family relationships
Recommended Citation
Alvarez, H. S., & Rocillo, M. D. (1992). Ang epekto ng pagkakaroon ng kaanak na may kapansanan at pamamaraan ng pagkaya ng pamilya. Retrieved from https://animorepository.dlsu.edu.ph/etd_bachelors/4006
Embargo Period
1-12-2021
