Ang GK-EF bilang isang kilusan: Isang pag-aaral sa mga programang panlipunan at pangkalikasan ng GK-enchanted farm gamit ang teoryang structuration
Date of Publication
2016
Document Type
Bachelor's Thesis
Degree Name
Bachelor of Arts in Philippine Studies Major in Filipino in Mass Media
Subject Categories
Agricultural and Resource Economics
College
College of Liberal Arts
Department/Unit
Filipino
Thesis Adviser
Rhoderick V. Nuncio
Defense Panel Chair
Ernesto V. Carandang
Defense Panel Member
Efren J. Domingo
Lilibeth Quiore-Oblena
Julio C. Teehankee
Abstract/Summary
Ang pananaliksik na ito ay tungkol sa GK-Enchanted Farm (GK-EF) o kinikilala rin na Center for Social Innovation bilang isang panlipunan at pangkalikasang kilusan. Misyon ng GK-Enchanted Farm na tapusin ang paghihirap ng limang milyong pamilyang Pilipino sa taong 2024. Bilang pangalawang yugto ng Development Roadmap ng Gawad Kalinga, naglalayon itong hikayatin ang mga dalubhasa sa agham at teknolohiya na makiisa sa pagbubuo ng holistikong modelo tungo sa pag-unlad ng mga probinsya at kanayunan ng bansa tulad ng Angat Bulacan.
Layunin ng pagsasaliksik na malaman kung paano nagiging panlipunan at pangkalikasang kilusan ang GK-EF. Sa pagsasakatuparan nito, nagpokus ang mananaliksik sa pagsusuri ng mga programang panlipunan at pangkalikasan gamit ang teoryang structuration ni Anthony Giddens. Unang tiningnan and development model at kasalukuyang modality na nakatuon sa pakikipagtulungan (particiaptory development) at pakikipag-ugnayan (partnership-based) sa iba't ibang sektor ng lipunan tulad ng gobyerno, mga negosyante, at pribadong institusyon. Gayundin, gamit ang nasabing teorya, nalaman kung paano aktibong tumutugon ang mga benipisyaryo mula sa mga inilatag na programa. Sa tulong ng mga bagay na ito, nahinuha kung paano kumikilos ang GK-EF upang tugunan ang mga suliraning panlipunan at pangkalikasan.
Lumabas sa pag-aaral na maituturing na isang panlipunan at pangkalikasang kilusan ang GK-EF dahil sinisiguro ng GK-EF na may akses sa disenteng pabahay at magkaron ng permanenteng hanapbuhay ang mahihirap (Van Naerssen 216, Castells, et. al 17-19). Makikita sa mga program na hindi ito nakatuon sa isa o dalawang isyu lamang. Kung gayon, holistiko ang pagtugon ng GK-EF sa mga suliraning panlipunan at pangkalikasan.
Pangalawa, sinangkot ang lahat ng sektor- gobyerno, pribadong institusyon, at iba pang kilusan sa pag-aangat ng dignidad at pamumuhay ng mahihirap. Sa halip na kumilos sa paraan ng pakikipagtunggali o pakikipaglaban, ginamit ang modelo ng pakikipagtulungan (participatory development) at pakikipag-ugnayan (partnership- based) sa mga taong may hawak ng yaman at kapangyarihan. Sa ganitog paraan napagalaw ng GK-EF ang gobyerno, pribadong institusyon, akademya at indibidwal.
Pangatlo, isinangkot ang mga benepisyaryo sa pagbubuo ng mga programa at hindi lamang tinitingnan bilang recipient. Nilalagpasan nito ang pangkaraniwang inisiyatibong mga NGO, non-profit sektor, at iba pang kilusan na nakatutok sa panandaliang serbisyo publiko.
Abstract Format
html
Language
Filipino
Format
Accession Number
TU19431
Shelf Location
Archives, The Learning Commons, 12F, Henry Sy Sr. Hall
Physical Description
[8], 170 leaves ; illustrations ; 28 cm.
Keywords
Community development--Philippines; Low-income housing--Philippines; Poor--Housing--Philippines; Social institutions--Philippines; Poverty-- Philippines--Citizen participation
Recommended Citation
Adis, K. (2016). Ang GK-EF bilang isang kilusan: Isang pag-aaral sa mga programang panlipunan at pangkalikasan ng GK-enchanted farm gamit ang teoryang structuration. Retrieved from https://animorepository.dlsu.edu.ph/etd_bachelors/2845
