Date of Publication

5-8-2025

Document Type

Dissertation

Degree Name

Doktor sa Pilosopiya sa Araling Filipino - Wika, Kultura, Midya

Subject Categories

Film and Media Studies

College

College of Liberal Arts

Department/Unit

Filipino, Departamento ng

Thesis Advisor

Feorillo Petronillo A. Demeterio, III

Defense Panel Chair

Rowell D. Madula

Defense Panel Member

Deborrah S. Anastacio
David Michael M. San Juan
Gian Carlo D. Alcantara
Analiza D. Resurreccion

Abstract/Summary

Ang pag-aaral na ito ay tungkol sa pagsusuri ng mga pelikulang tumalakay sa digmaan kontra-droga (drug war) na naganap sa panahon ng panunungkulan ni Pangulong Rodrigo Roa Duterte mula 2016 hanggang 2020. Ang isyu ng extra-judicial killings (EJKs) ay naging sentro ng diskurso hindi lamang sa loob ng bansa kundi maging sa pandaigdigang larangan, lalo na sa mga internasyonal na human rights group. Ang marahas na kampanya kontra-droga ang nagdulot ng negatibong imahe sa Pilipinas at nagpatibay sa bansag na "sick man of Asia."

Sinuri sa pag-aaral na ito ang sampung pelikula (10) tungkol sa pagsugpo ng ilegal na droga. Ginamit ang semiyolohiya ni Roland Barthes bilang lente ng pagsusuri upang tukuyin ang mga icon (signifier), retorikal na estratehiya, diskurso (signified), at kabuuang mitolohiya (mythologies) ng digmaan kontra-droga.

Natuklasan na sa 10 pelikulang sinuri, ang mga pelikulang Ma’Rosa, Alpha: The Right to Kill, Amo, Kamandag ng Droga, at Double Barrel (Sige! Iputok mo) ay naglahad ng pagsuporta sa kampanya ng dating pangulo. Natukoy ang pitong icon kaugnay rito. Ito ang 1) pagpapairal ng kaayusan; 2) pagdadala ng kapayapaan; 3) proteksiyon sa masa; 4) pagkakaloob ng hustisya; 5) pagbabagong panlipunan; 6) pagsugpo sa katiwalian; at 7) matapat na paglilingkod. Samantala, ang mga pelikulang Madilim ang Gabi, Neomanila, Buybust, at Watch List ay naglahad naman ng pagbatikos sa kampanya sa pamamagitan ng walong icon. Ito ang: 1) pagsasamantala sa mahirap/kahirapan; 2) pagsasamantala sa inosente/biktima; 3) pagpapalaganap ng takot; 4) pag-iral ng sistema ng gantimpala at parusa; 5) pagsasamantala sa kapangyarihan; 6) paglalaro sa buhay at kaligtasan; 7) paggamit sa digmaan bilang impluwensiya; at 8) pagtatanghal ng lakas ng estado.

Sa pagsusuring ito, ginamit ang retorika ni Barthes upang matukoy kung paano binubuo ng pelikula ang diskursong ayon sa semiyolohiya ni Barthes. Ang mga pelikula ay may tendensiyang ipakita ang hegemonikong naratibo na pumapabor sa estado, habang ang ibang pelikula ay nagpakita ng alternatibong pananaw na humahamon sa nanaig na diskurso ng drug war. Lumitaw sa pag-aaral na ang pelikula ay maaaring maging kasangkapan hindi lamang sa pagpapalaganap ng ideolohiya kundi maging sa pagbuwag ng dominanteng naratibo sa pamamagitan ng alternatibong representasyon ng realidad.

Abstract Format

html

Language

Filipino

Format

Electronic

Keywords

Drugs in motion pictures; Drug control --Philippines

Upload Full Text

wf_yes

Embargo Period

5-7-2026

Download

Available for download on Thursday, May 07, 2026

Share

COinS