“Daming kung ano-ano:” Isang Pagsusuring Pangnilalaman sa Diskurso ng Anik-anik sa X

Proponent/s Name/s (Last Name, First Name, Middle Initial)

Maryiella N. Parenia, De La Salle University, ManilaFollow
Cassandra Nicole T. Famy, De La Salle University, ManilaFollow
Sophia D. Cadeliña, De La Salle University, ManilaFollow
Gertrude Juliana S. Tapang, De La Salle University, ManilaFollow
Ma. Angelica Kristina T. Flores, De La Salle University, ManilaFollow

Document Types

Paper Presentation

School Name

De La Salle University, Manila

Track or Strand

Humanities and Social Science (HUMSS)

Research Advisor (Last Name, First Name, Middle Initial)

Taeza, Jeyson T.

Start Date

23-6-2025 1:30 PM

End Date

23-6-2025 3:00 PM

Zoom Link/ Room Assignment

Y505

Abstract/Executive Summary

Kadalasang matatagpuan ang mga anik-anik sa isang sambahayang Pilipino. Subalit unti-unting nagbabago at tumataliwas sa tradisyunal na anyo ang modernong respresentasyon ng anik-anik. Layunin ng pananaliksik na suriin ang diskursong pumapalibot sa anik-anik sa platpormang X na nagpapakita sa paghubog ng social media sa makabagong kahulugan ng anik-anik sa kultura’t pagkakakilanlang Pilipino. Sinuri ang nagbabanggaang diskurso sa pagtangkilik ng anik-anik, partikular ang pagkakahati sa sentimental na pagpapahalaga sa mga bagay at ang impluwensya ng kapitalismo sa pangongolekta nito. Ginamit ang kwalitatibong pagsusuring nilalaman ni Bengtsson (2016) upang mapaglalim ang komprehensibong pag-aanalisa ng orihinal na teksto ng datos sa tagong pagsusuri. Kumalap ang mga mag-aaral ng datos sa pamamagitan ng search feature sa X na naglalaman ng mga susing salita tulad ng “anik-anik,” “anik-anik girlie,” “anik-anik discourse,” “burloloy,” “labubu,” “popmart,” at “collect.” Nakakalap ng limangpu’t walong tweets ang mga mag-aaral sa platapormang X noong Ika-12 ng Pebrero 2025. Tanging mga pampublikong tweets o posts lamang ang kinonsidera sa pagsusuri. Natuklasang nag-uugat sa nostalgia, personal na halaga, kasiyahan ng pangongolekta at paglalahad ng pansariling identidad ang rason sa pangongolekta. Lumabas din na tumataliwas ang kasalukuyang representasyon ng anik-anik sa orihinal na konsepto nito: pagkawala ng orihinal na kahalagahan dahil sa komersyalisasyon, impluwensiya ng midya sa pagkonsumo, at pagkawala ng puso ng anik-anik. Napatunayang mayroong patuloy na pagbabago sa kahulugan ng anik-anik sa mas malawak na kalakaran ng lipunan kung saan mas tumitindi ang impluwensiya ng konsumerismo sa ugali ng pagbili ng mga mamimili.

Keywords

X, anik-anik, diskurso, social media, konsumerismo

Research Theme (for Paper Presentation and Poster Presentation submissions only)

Media and Philippine Studies (MPS)

Initial Consent for Publication

yes

Statement of Originality

yes